171
8
Түн жамылып келемiз, айсыз ашық аспан
Төбемiзде жұлдыздар үнсiз жымыңдасқан
Бара жатқан зымырап, байқалмайды уақыт
Бұл не деген қуаныш, бұл не деген бақыт!
Алматының гүл бағын аралаймыз ұзақ
Қиялменен кетемiз кейде алысқа ұзап
Күйге толы көңiлдер, араластық биге
Қандай ыстық осы шақ, асықпа сен үйге
Күйге толы көңiлдер, араластық биге
Қандай ыстық осы шақ, асықпа сен үйге
Алақанда алақан, күлiмдейдi көзiң
Құшағымда қуаныш қасымда сен өзiң
Бүгiнгi күн тамаша, бүгiн нұрлы бар маң
Бүгiн, мiне, қосылды арман менен арман
Бүгiнгi күн тамаша, бүгiн нұрлы бар маң
Бүгiн, мiне, қосылды арман менен арман
Бүгiн, мiне, қосылды арман менен арман