80
5
Қыз аттаған келін боп, ақ босаға,
Ақ босаға, мерейлі бас босаға.
Қасиетті халқымның дәстүріне,
Куә болып ғасырлар жатты осы ара.
Қариялар батасын береді екен,
Бата деген ақ тілеу керек екен.
Жақсы дәстүр, жақсы сөз, игі тілек,
Ұрпақтарға жалғасып кетеді екен.
Пай-пай шіркін, қазақтың келіндері,
Көл-дәрия секілді пейілдері.
«Абысын тату болса, ас көп» деген,
Мақалдың айтылуы тегін бе еді.
«Абысын тату болса, ас көп» деген,
Мақалдың айтылуы тегін бе еді.
Татулықпен тамсытқан ауылымды,
Ардақ тұтқан аға, іні, бауырымды.
Ізеті мол қазақтың келіндері,
Бағалаттың баршаға қадіріңді.
Пай-пай шіркін, қазақтың келіндері,
Көл-дәрия секілді пейілдері.
«Абысын тату болса, ас көп» деген,
Мақалдың айтылуы тегін бе еді.
«Абысын тату болса, ас көп» деген,
Мақалдың айтылуы тегін бе еді.
Пай-пай шіркін, қазақтың келіндері,
Көл-дәрия секілді пейілдері.
Сол келіндер арқасы босағадан,
Іргесі құда-жекжат сөгілмеді.
«Абысын тату болса, ас көп» деген,
Мақалдың айтылуы тегін бе еді.