8
Өмір-өзен, қалай, қайтіп аққанын,
Асау ағыс толқындарын таппадым.
Қайта оралған наурыз-көктем құсымен,
Қайта оралшы, менің сәби шақтарым.
Балалық шақ өтті қалай, сезбедім,
Ауылда жүр жәудіреген көздерім.
Қайта оралған наурыз-көктем құсымен,
Қайта оралшы, менің бала кездерім.
Қайырмасы:
Ай-ай, құстарым,
Қандай бақыт сенің биік ұшқаның!
Қайта оралшы, құстарым-ай, қанатым,
Күнімді іздеп көкжиекке қараппын,
Қайта оралмас өмір беріп жараттың.
Қайырмасы:
Жадыраған әдемі еді-ау аспаным,
Өте шықты өткен өмір қас-қағым.
Қайта оралған наурыз-көктем құсымен,
Қайта оралшы, менің бала пәк шағым.