Келші, гүлім,
Күн бетіңді көрейін,
Сүйші, сәулем, неге сүйдің демейін.
Жет, жұлдызым, жылжып қана жібектей,
Жұлдызды жүзік, Айды алқа ғып берейін.
Еркетайым, келсең егер қасыма,
Сәулелерден шоқ қадар ем басыңа.
Көз жасымнан меруерт тізіп берер ем,
Келші, күлмей көзден аққан жасыма.
Сөзің сиқыр, есті тұман басқандай,
Сезім шіркін теңіз болып тасқандай.
Күлкің Күнім, күндей күміс табаққа
Мінсіз сұлу меруертті шашқандай.
Жет, жұлдызым, жылжып қана жібектей,
Жұлдызды жүзік, Айды алқа ғып берейін. -