5
Көктем келді аспан түсі өзгерді
Қауыс жарған бәйшешекте көз көрді
Қызғалдақтай сарғалдақтай қыздарға
Қызыл-сары гүл сыйлайтын кез келді
Қыдырып қайтам сұлуларға айтам
Ең тәтті сөздерді
Қош келдің көктем көкте нұр төккен
Ғажапсың көктем неткен
Қыс қайтып кеткен құс қайтып жеткен
Мен сені сүйем көктем
Көктем келді жердің беті жаңарды
Жылы жаққа құстар қайтып оралды
Ғажап екен ақ жаңбырдың астында
Құшақтасаң өзің сүйген адамды
Жауа бер жаңбыр жайнатады әр күн ғаламды даламды
Қош келдің көктем көкте нұр төккен
Ғажапсың көктем неткен
Қыс қайтып кеткен құс қайтып жеткен
Мен сені сүйем көктем