9
Ана сен бақыттысың жыламағын
Жай түсіп жатқанда да құламадым
Тəңіріңнен мен едім сондықтан жыламағын жыламағын
Бармын ғой тірімін ғой қасыңдамын
Өлмеймін мен өзіңдей асылданмын
Таусылып өз өзіңнен шашылмағын
Байырғы берекеңді қашырмағын
Мен сенің қанықпын ғой көз жасыңа
Өзің кепіл тот басып тозбасыңа
Екі жыр жазсам саған бірін арнап
Ана жаздым ылғи сөз басына
Тəңірім кеше көрсін кесірімді
Аспанға жазам сенің есіміңді
Ана сен бақыттысың тербете бер
Құба талдан иілген бесігіңді