200
7
Шөлде сен бұлақ болған жан ана
Шаршасам қуат болған жан ана
Таянып ақ бесіктің жанында
Түнде де шырақ болған жан ана
Өмірдің алтын арай таң ана
Ақ сүтің баға жетпес балана
Сан жылдар сандалған мойымай
Біздерге тіреу болған жан ана
қайырмасы:
Самғаймын саған қарай құстай ана
Мен қалай жүре аламын ұшпай ана
Жанымның сағынышы басылмайды
Өзіңді құшағыма қыспай ана
Анашым сенсіз бақыт табылмаспа
Өзіңсің ақылшым данамызда
Бөленіп немерелер қызығына
Анашым аман жүрші арамызда
Өмірде кейде шаттық кейде мұң
Ақ теңіз ағайынға пейілін
Мөлдіреп ұл қызына қарайсың
Таусылмай ақ жүзіңнен мейірім
Шың сұрар сәбилік жүрекпенен
Әкемдей асқар тау тірекпенен
Көзімнің нұры боп жүрсе екен деп
Амандық сендерге тілеп келем
қайырмасы:
Самғаймын саған қарай құстай ана
Мен қалай жүре аламын ұшпай ана
Жанымның сағынышы басылмайды
Өзіңді құшағыма қыспай ана
Анашым сенсіз бақыт табылмаспа
Өзіңсің ақылшым данамызда
Бөленіп немерелер қызығына
Анашым аман жүрші арамызда