Еркін Нұржанов

Бұрыннан білуші едім

Жүрегің сұлу сенің

Жаныма жаны жақыным

Сапарға кеткенімде

Күмәні көп көңілде

Сарғайып сағынатыным

Сағатқа қарайлаумен

Өтті ме мені ойлаумен

Ұйқысыз тағы да түнің

Бойдағы қыз намысың

Ойдағы қызғанышың

Бермей ме жаныңа тыным

Ойлама мен жайлы олай ойлама

Жақсы ойда болшы жай ғана

Қазан аты едім қазақтың

Қазыққа жіпсіз байлама

Ойлама олай ойлама

Махаббатыммен ойнама

Қыз көрем қызық көрем деп

Барып жүргем жоқ тойға да

Тәттім-ау неге-неге

Телміріп терезеге

Күтесің жолыма қарап

Қалғанда жалғыз үйде

Мені іздеп жан жүдей ме

Көшені көңіл аралап

Сөздерің ертегі деп

Кемсітпе көркемірек

Қонғасын қолыма қала

Нәзігім ерке гүлім

Шытырман ертегінің

Шыдасаң соңы ғаламат