252
14
Тойға келген ағайын
Домбырамды-ау алайын
Ата-дәстүр салтымен
Тербелеп әнге салайын
Қуанышыңа-ай ортақ боп
Қызығына қанайын
Қызмет етіп талмайын
Бетін ашып келіннің
Көрімдігін алайын
Екі де жақсы үй болған
Жастардың осы тойына
Ақ тілекті арнайын
Айналайын ақ келін
Сөзіме құлақ салыңыз
Өнегелі келін боп
Тарихта мәңгі қалыңыз
Абай менен Шоқандай
Ақылды ұлды табыңыз
Роза менен Мақпалдай
Ерке қызды табыңыз
Бір баламен шектелмей
Бірнешеуін табыңыз
Ата менен енеңді
Құрметпенен бағыңыз
Келін, келін келіп тұр
Босағадан еніп тұр
Таныстырайын мен сені
Иіліп сәлем беріп тұр
Аталар бар ардақты-ей
Енелер бар салмақты-ей
Ойлай тұғын жан-жақты-ей
Сондықтанда бір сәлем
Аааай, келінжан, ата енеңе бір сәлем
Аааай, келінжан, ата енеңе бір сәлем
Келін келді деп қуанып
Осы бір күнді ойлаған
Келіп отыр осында
Нар тұлғалы қайын ағаң
Абысындар келіп тұр
Іске көзі жайнағап
Қазысы мен қартасы
Қазанында қайнаған
Ал келінжан, келінжан
Қайын ағаларға бір сәлем
Ал келінжан, келінжан
Абысындарға бір сәлем
Алыс ауыл арасын
Жақын етер нағашың
Екі ағайын арасын
Тату етер нағашың
Ақ келін боп келгенде
Шашу етер нағашың
Нағашың, нағашың
Осы тойға қуанып
Келетінде нағашың
Жиен-бөле тағы бар
Бәріне сәлем салынар
Нағашыға бір сәлем
Жиендерге бір сәлем
Бір сәлем, бір сәлем
Қазақ осы құда бол деп қинайтын
Құдалар бар құрметтейтін сыйлайтын
Ат міңгізіп, ақ шапанын кигізген
Құдалар бар жамандыққа қимайтын
Мың жыл мәңгі құда жолын жалғаған
Құдағи ізгі тілек арнаған
Бастарына бақ пен дәулет орнаған
Құда менен құдағиға бір сәлем
Анау тұрған жезделер
Жездеге кім тең келер
Жанындағы әпкелер
Сұлулығын көз көрер
Сәлем салшы соларға-ай
Көрімдігін тез берер
Әпке-жезде келіңдер
Таныс болсын өзгелер
Ал келінжан, келінжан
Жезделерге бір сәлем Әпкелерге
Ал келінжан, келінжан
Әпкелерге бір сәлем
Анау тұрған қайнысы
Қайнысы деген қай кісі
Үйленді деп ағамыз
Келіп тұр ғой қайнысы
Өзіңменен бір жүрер
Бір қуанып бір күлер
Қайнылармен топтасып
Келіпті қайны сіңлілер
Келінжан, келінжан
Соларға да бір сәлем
Келінжан, келінжан
Қайныларға бір сәлем
Келінжан, келінжан
Қайын інілерге бір сәлем
Келінжан, келінжан
Қайын сіңілерге бір сәлем
Достар келді алыстан
Жақсы іспен жарысқан
Бірін бірі сағынып
Құшақ жайып табысқан-деу
Доспен көңіл жай қалар
Доспен көңіл жай табар-ей
Ақ ниетті достарың
Ақ тілекпен байқалар-беу
Ал, келінжан, келінжан
Соларға да бір сәлем
Ал, келінжан, келінжан
Жолдастарға бір сәлем
Ал, келінжан, келінжан
Достарға да бір сәлем
Ал, келінжан, келінжан
Жолдастарға бір сәлем-беу
Бәрі сенің туысың
Бәрі сенің ырысың
Беташар айттым ағайын
Шапалақ қатты ұрылсын
Ибалы келін атанып
Қарттарынан бата алып
Мен қайтайын осымен
Берекет болсын бұл ісім