111
6
Сәулем, сәулем, сәулем
Кір шалмаған арымсың,
Сезімдегі жалынсың,
Басымдағы бағымсың,
Домбырамның үні - сен,
Жүрегімнің жыры - сен,
Жанарымның, жанарымның
Жанарымның нұры - сен!
Сапар шексем алысқа
Сен жанымнан қалмайсың,
Қиындықтан қалыспай,
Қиялымды жалғайсың.
Мол бақытың жайында
Сырласумен айта алдың,
Қарағай мен қайыңдай
Қатар тұрып жайқалдық.
Сәулем, сәулем, сәулем
Кір шалмаған арымсың,
Сезімдегі жалынсың,
Басымдағы бағымсың,
Домбырамның үні - сен,
Жүрегімнің жыры - сен,
Жанарымның, жанарымның
Жанарымның нұры - сен!
Күндіз күлген күнімсің,
Түнде туған айымсың,
Жайнап тұрған гүлімсің,
Ойға шомған қайыңсың.
Домбыраға тағылған
Екі ішектей жұптастық,
Үміт алда жағылар
Келешекке нық бастық.
Сәулем, сәулем, сәулем
Кір шалмаған арымсың,
Сезімдегі жалынсың,
Басымдағы бағымсың,
Домбырамның үні - сен,
Жүрегімнің жыры - сен,
Жанарымның, жанарымның
Жанарымның нұры - сен!